Í byrjun árs 1974 hittust nokkrar Loftleiða flugfreyjur og viðruðu þá hugmynd að stofna félag fyrrverandi og starfandi flugfreyja. Eins og konum einum er lagið (engir karlmenn í hópnum þá) var drifið í fyrsta fundi 14. mars það sama ár og formlega var svo félagið stofnað þann 5. maí 1974.

Svölurnar byggja starf sitt á þeirri hugmynd að efla og viðhalda góðum kynnum auk þess að fræðast og skemmta sér um leið og þær láta gott af sér leiða. Félagið var frá upphafi góðgerðarfélag og hefur alla tíð haldið úti öflugri fjáröflunarstarfsemi, sem að mestu fór fram með sölu jólakorta. Með breyttum áherslum og tíðaranda hefur þeirri sölu verið hætt að mestu,  en enn er hægt að kaupa minningar- og tækifæriskort. Jafnhliða félagsgjöldum greiða meðlimir félagsins árlega í sérstakan styrktarsjóð sem nýttur er til góðgerðarmála.

Á þessum tímamótum eru um 200 félagar í Svölunum, en með stækkandi stétt flugfreyja og -þjóna er vonandi að fleiri bætist í hópinn á komandi árum.

Meðal þeirra sem Svölurnar hafa styrkt má nefna Ljósið, Kraft, MS og MND félögin. Grensásdeildin var um árabil aðal styrkþegi félagsins auk þess sem einstaklingar hafa hlotið styrki.

Hægt er að leggja félaginu lið með því að leggja inn á reikning styrktarsjóðsins

0313 13 300007 kt. 5701770959

Nálgast má upplýsingar um félagið á heimasíðu þess www.svolurnar.is

Netfangið er svolurnar@svolurnar.is

Á aðalfundi Svalanna í vor sem var haldinn var ný stjórn kjörin

Sigrún Sveinsdóttir – formaður

Ólöf S. Björnsdóttir – gjaldkeri

Hafdís Ingvarsdóttir – ritari

Anna Dóra Guðmundsdóttir

Anna Kristín Einarsson

Vala Georgsdóttir

Þórunn Steingrímsdóttir

Kæru Svölufélagar

Vegna samkomutakmarkana fellur jólafundur 2021 niður.

Vorferð og aðalfundur 2021

Grensásdeild Landspítalans hefur um árabil verið aðal styrkþegi Svalanna. Nýlega afhenti stjórnin veglega gjöf sem mikil þörf var á, þe. blóðþrýstingsmæla og lífsmarkatæki fyrir legudeild. Sigríður Guðmundsdóttir, deildarstjóri hjúkrunar veitti gjöfinni formlega viðtöku fyrir hönd Landspítalans og hrósaði Svölunum mikið fyrir sitt framlag. Þessi gjöf kæmi sér m.a. einstaklega vel nú á tímum covid, þar sem ekki þyrfti að sótthreinsa hvern mæli nema einu sinni á sólarhring fyrir utan tímasparnaðinn sem fælist í því að hafa einn mæli fyrir hvern sjúkling.
Félagsmenn í Svölunum greiða árlegt gjald í styrktarsjóðinn og er það nú eina innkoma hans, þar sem sölu jólakorta hefur nánast verið hætt. Þeir sem vilja styrkja Grensásdeildina gegnum Svölurnar geta lagt framlag sitt inn á reikning Svalanna:
Kt. 5701770959
Banki: 0313 13 300007

Hér eru dagsetningar fyrirhugaðra félagsfunda fram að sumri ársins 2021.

2. febrúar

2. mars

6. apríl

Aðalfundur um miðjan maí.

Allir félagsfundir Svalanna í vetur, nema aðalfundur, verða haldnir á Nauthóli og hefjast klukkan 18. Þetta eru kvöldverðarfundir og er verð á máltíð (fiskréttur og eftirréttur ásamt kaffi) 3.200 kr. til félagsmanna. Nauthóll býður vínglasið á 1000,-

Félagsmenn sem mæta á fundi eru beðnir um að skrá sig fyrirfram, þannig að hægt sé að panta rétt magn af veitingum. Minnt er á alla fundi með góðum fyrirvara, bæði með netpósti og einnig inn á lokaðri fésbókarsíðu Svalanna.

http://www.facebook.com/groups/svolurnar

15. október 2019

5. nóvember 2019

3. desember 2019

4. febrúar 2020

3. mars 2020

7. apríl 2020

Vorferðalag og aðalfundur verða um miðjan maí – dagsetningar auglýstar síðar.

Þar sem margar Svölur eru ekki á facebook en hafa sýnt áhuga á að fá að sjá myndir úr félagsstarfinu er hér að neðan linkur til að skoða myndir.

Myndir úr vorferðalagi 2019