ME Félag Íslands
Á vinafundi Svalanna 6. október 2026 komu Helga Edwardsdóttir formaður ME Félag Íslands og Ásta Jóhannesdóttir varaformaður í heimsókn til okkar. Þær kynntu okkur starfsemi félagsins og ME sjúkdómsins.
Við það tækifæri tóku þær við styrktarbréfi til félagsins frá Svölunum.
Í byrjun árs 1974 hittust nokkrar Loftleiða flugfreyjur og viðruðu þá hugmynd að stofna félag fyrrverandi og starfandi flugfreyja. Eins og konum einum er lagið (engir karlmenn í hópnum þá) var drifið í fyrsta fundi 14. mars það sama ár og formlega var svo félagið stofnað þann 5. maí 1974.
Svölurnar byggja starf sitt á þeirri hugmynd að efla og viðhalda góðum kynnum auk þess að fræðast og skemmta sér um leið og þær láta gott af sér leiða. Félagið var frá upphafi góðgerðarfélag og hefur alla tíð haldið úti öflugri fjáröflunarstarfsemi, sem að mestu fór fram með sölu jólakorta. Með breyttum áherslum og tíðaranda hefur þeirri sölu verið hætt að mestu, en enn er hægt að kaupa minningar- og tækifæriskort. Jafnhliða félagsgjöldum greiða meðlimir félagsins árlega í sérstakan styrktarsjóð sem nýttur er til góðgerðarmála.
Á þessum tímamótum eru um 200 félagar í Svölunum, en með stækkandi stétt flugfreyja og -þjóna er vonandi að fleiri bætist í hópinn á komandi árum.
Meðal þeirra sem Svölurnar hafa styrkt má nefna Ljósið, Kraft, MS og MND félögin. Grensásdeildin var um árabil aðal styrkþegi félagsins auk þess sem einstaklingar hafa hlotið styrki.
Hægt er að leggja félaginu lið með því að leggja inn á reikning styrktarsjóðsins
0313 13 300007 kt. 5701770959
Nálgast má upplýsingar um félagið á heimasíðu þess www.svolurnar.is
Netfangið er svolurnar@svolurnar.is
Í mars 2026 var formanni okkar Svalanna, Þórunni Steingrímsdóttur, boðið af forseta Íslands Höllu Tómasdóttur, að koma á Bessastaði í tilefni styrkveitinga í minningarsjóð Bryndísar Klöru. Þórunn þáði boð frú Höllu fyrir hönd Svalanna.
Þessar myndir voru teknar við það hátíðlega tækifæri.
Grensásdeild Landspítalans er sem fyrr aðal styrkþegi Svalanna.
Nýlega voru afhentar gjafir að fjárhæð um ein og hálf milljón króna. Að þessu sinnu voru það þrír rafdrifnir leðurstólar og loftafest lyftukerfi. Stuðningur Svalanna við deildina er mikils metinn og var þeim vel þakkað fyrir þessar gjafir. Það var Guðrún Ólafsdóttir fráfarandi formaður Svalanna sem afhenti gjafabréfið en fyrir hönd Grensásdeildar veittu móttöku þau Guðrún Karlsdóttir, Jónína Thorarensen og Páll E. Ingvarsson.
Á aðalfundi Svalanna í vor sem var haldinn var ný stjórn kjörin
Sigrún Sveinsdóttir – formaður
Ólöf S. Björnsdóttir – gjaldkeri
Hafdís Ingvarsdóttir – ritari
Anna Dóra Guðmundsdóttir
Anna Kristín Einarsson
Vala Georgsdóttir
Þórunn Steingrímsdóttir
Kæru Svölufélagar
Vegna samkomutakmarkana fellur jólafundur 2021 niður.
Grensásdeild Landspítalans hefur um árabil verið aðal styrkþegi Svalanna. Nýlega afhenti stjórnin veglega gjöf sem mikil þörf var á, þe. blóðþrýstingsmæla og lífsmarkatæki fyrir legudeild. Sigríður Guðmundsdóttir, deildarstjóri hjúkrunar veitti gjöfinni formlega viðtöku fyrir hönd Landspítalans og hrósaði Svölunum mikið fyrir sitt framlag. Þessi gjöf kæmi sér m.a. einstaklega vel nú á tímum covid, þar sem ekki þyrfti að sótthreinsa hvern mæli nema einu sinni á sólarhring fyrir utan tímasparnaðinn sem fælist í því að hafa einn mæli fyrir hvern sjúkling.
Félagsmenn í Svölunum greiða árlegt gjald í styrktarsjóðinn og er það nú eina innkoma hans, þar sem sölu jólakorta hefur nánast verið hætt. Þeir sem vilja styrkja Grensásdeildina gegnum Svölurnar geta lagt framlag sitt inn á reikning Svalanna:
Kt. 5701770959
Banki: 0313 13 300007
15. desember 2020 afhentu Svölurnar Hjálpræðishernum gjafabréf að upphæð 500.000.
Í tilefni afhendingar var stjórninni boðið að koma og skoða ný og glæsileg húsakynni í Mörkinni í Reykjavík. Það var Birna Dís Vilbertsdóttir sem tók á móti okkur og fræddi hún okkur um þá miklu og göfugu starfsemi sem Hjálpræðisherinn heldur uppi. Það hófst starfsemi í húsinu í september sl. en það er enn verið að „fínpússa“ og nokkuð í að allt verði tilbúið innanhúss. Þau hafa fengið leyfi til að halda uppi árlegum jólafagnaði á aðfangadag og mun allt fara fram skv. sóttvarnareglum sem ákveðnar voru í samráði við Þórólf sóttvarnalækni.
Okkur var þakkað vel og innilega og fullvissaðar um að gjöfin kæmi sér einstaklega vel þetta árið. Við þökkum Birnu Dís fyrir hlýjar móttökur og óskum starfsfólki og öllum aðstandendum Hersins alls hins besta í nýju húsakynnunum.
Hér eru dagsetningar fyrirhugaðra félagsfunda fram að sumri ársins 2021.
2. febrúar
2. mars
6. apríl
Aðalfundur um miðjan maí.