Gjöf afhent Hjálpræðishernum

15. desember 2020 afhentu Svölurnar Hjálpræðishernum gjafabréf að upphæð 500.000.

Birna Dís Vilbertsdóttir ásamt stjórn Svalanna við nýskreytt jólatré í samkomusal Hjálpræðishersins.

Í tilefni afhendingar var stjórninni boðið að koma og skoða ný og glæsileg húsakynni í Mörkinni í Reykjavík. Það var Birna Dís Vilbertsdóttir sem tók á móti okkur og fræddi hún okkur um þá miklu og göfugu starfsemi sem Hjálpræðisherinn heldur uppi. Það hófst starfsemi í húsinu í september sl. en það er enn verið að „fínpússa“ og nokkuð í að allt verði tilbúið innanhúss. Þau hafa fengið leyfi til að halda uppi árlegum jólafagnaði á aðfangadag og mun allt fara fram skv. sóttvarnareglum sem ákveðnar voru í samráði við Þórólf sóttvarnalækni.

Guðrún Ólafsdóttir formaður Svalanna afhentir Birnu Dís gjafabréfið.
Málin rædd í nýja Herkastalanum.

Okkur var þakkað vel og innilega og fullvissaðar um að gjöfin kæmi sér einstaklega vel þetta árið. Við þökkum Birnu Dís fyrir hlýjar móttökur og óskum starfsfólki og öllum aðstandendum Hersins alls hins besta í nýju húsakynnunum.

Félagsfundir veturinn 2019 – 2020

Allir félagsfundir Svalanna í vetur, nema aðalfundur, verða haldnir á Nauthóli og hefjast klukkan 18. Þetta eru kvöldverðarfundir og er verð á máltíð (fiskréttur og eftirréttur ásamt kaffi) 3.200 kr. til félagsmanna. Nauthóll býður vínglasið á 1000,-

Félagsmenn sem mæta á fundi eru beðnir um að skrá sig fyrirfram, þannig að hægt sé að panta rétt magn af veitingum. Minnt er á alla fundi með góðum fyrirvara, bæði með netpósti og einnig inn á lokaðri fésbókarsíðu Svalanna.

http://www.facebook.com/groups/svolurnar

15. október 2019

5. nóvember 2019

3. desember 2019

4. febrúar 2020

3. mars 2020

7. apríl 2020

Vorferðalag og aðalfundur verða um miðjan maí – dagsetningar auglýstar síðar.

Svölur afhenda gjöf til Grensásdeildar

Grensásdeild Landspítals er aðalstyrkþegi Svalanna, góðgerðarfélags flugfreyja og flugþjóna. Nýlega afhenti stjórn Svalanna deildinni formlega nýja gjöf að verðmæti ein og hálf milljón króna; tvo rafknúna baðbekki sem létta bæði sjúklingum og starfsfólki lífið. Þessi bekkir bera gælunafnið „bláu lónin“.

Það var að þessu sinni Margrét Hallgrímsson sem tók við gjöfinni fyrir hönd Grensásdeildarinnar.

Stjórn Svalanna 2018-2019 ásamt Margréti.